Warning: Use of undefined constant TDC_PATH_LEGACY - assumed 'TDC_PATH_LEGACY' (this will throw an Error in a future version of PHP) in /home/greenduf/public_html/indiaonlive.com/wp-content/plugins/td-composer/td-composer.php on line 107
e m augusthy – INDIA ONLIVE

ഉടുമ്പൻചോല യു.ഡി.എഫ് സ്ഥാനാർത്ഥി അഡ്വ: ഇ.എം ആഗസ്തി

നരിയമ്പാറ എം.എം സ്കൂളിലും കട്ടപ്പന സെൻ്റ് ജോർജിലും സ്കൂൾ വിദ്യാഭ്യാസം പൂർത്തിയാക്കിയ ആഗസ്തി നരിയമ്പാറ ദേവസ്വം ബോർഡ് കോളേജിലാണ് പ്രീഡിഗ്രി പൂർത്തിയാക്കിയത്.ദേവസ്വം ബോർഡ് കോളേജ് മലമുകളിൽ നിന്ന് മാറ്റണമെന്നാവശ്യപ്പെട്ട് നടത്തിയ സമരം ഐതിഹാസികമായിരുന്നു.അങ്ങനെയാണ് കട്ടപ്പന ഗവൺമെൻ്റ് കോളേജിൻ്റെ പിറവി. ചങ്ങനാശ്ശേരി എൻ.എസ്.എസ് കോളേജിൽ നിന്ന് രാഷ്ട്രതന്ത്രത്തിൽ ബിരുദം നേടിയ അദ്ദേഹം തിരുവനന്തപുരം ലോ അക്കാദമിയിൽ നിന്ന് നിയമ ബിരുദവും കരസ്ഥമാക്കി. വിദ്യാർത്ഥി പ്രസ്ഥാനത്തിലൂടെ രാഷ്ട്രീയത്തിലെത്തിയ അദ്ദേഹമാണ് ഇടുക്കിയിലെ ആദ്യ കെ.എസ്.യു ജില്ലാ പ്രസിഡൻ്റ്. യൂത്ത് കോൺഗ്രസ് സംസ്ഥാന ട്രഷറർ ,സേവാദൾ ജില്ലാ ബോർഡ് ചെയർമാൻ, കോൺഗ്രസ് വിചാർ വിഭാഗ് ജില്ലാ പ്രസിഡൻ്റ്, നാഷണൽ ലോയേഴ്സ് ഫോറം ജില്ലാ പ്രസിഡൻ്റ്, നാഷണൽ ലോയേഴ്സ് ഫോറം സംസ്ഥാന വൈസ് പ്രസിഡൻ്റ്, തുടങ്ങിയ നിരവധി പദവികൾ നിർവഹിച്ച അദ്ദേഹം ദീർഘകാലം ഇടുക്കി ഡി.സി.സി പ്രസിഡൻ്റും യു.ഡി.എഫ് ചെയർമാനുമായിരുന്നു. കേരള പ്ലാൻ്റേഷൻ വർക്കേഴ്‌സ് യൂണിയൻ്റെ സംസ്ഥാന പ്രസിഡൻ്റും ഐ.എൻ.ടി.യു.സി അഖിലേന്ത്യാ വർക്കിംഗ് കമ്മറ്റിയംഗവുമാണ്.കെ.പി.സി.സി ജനറൽ സെക്രട്ടറിയായിരുന്ന അദ്ദേഹം ഇപ്പോൾ എ.ഐ.സി.സി അംഗമാണ്. ആഗസ്തി പ്രസിഡൻ്റായിരുന്ന കാലഘട്ടത്തിലാണ് ഇടുക്കി ജില്ലാ സഹകരണ ബാങ്ക് രാജ്യത്തെ ഏറ്റവും മികച്ച ബാങ്കായി തിരഞ്ഞെടുക്കപ്പെടുന്നത്.കട്ടപ്പന പഞ്ചായത്തംഗം, പ്രഥമ ജില്ലാ കൗൺസിൽ പ്രതിപക്ഷ നേതാവ് തുടങ്ങിയ നിലയിൽ തിരഞ്ഞെടുക്കപ്പെട്ട അദ്ദേഹം ഉടുമ്പൻചോലയിൽ നിന്നാണ് ആദ്യമായി നിയമസഭയിലെത്തുന്നത്.പിന്നീട് ഒരു തവണ കൂടി ഉടുമ്പൻചോലയി എം.എം മണിയെ പരാജയപ്പെടുത്തിയ അദ്ദേഹം പീരുമേട്ടിൽ നിന്ന് ഡെപ്യൂട്ടി ഡെപ്യൂട്ടി സ്പീക്കറായിരുന്ന സി.എ കുര്യനെ അട്ടിമറിച്ച് വീണ്ടും നിയമസഭയിലെത്തി. പിന്നീട് നടന്ന തിരഞ്ഞെടുപ്പിൽ പീരുമേട്ടിൽ ഇ.എസ് ബിജിമോളോട് പരാജയപ്പെട്ടു. തൊടുപുഴ ജില്ലാ കോടതിയിൽ അഭിഭാഷകനായി പ്രാക്ടീസ് ചെയ്യുന്ന അദ്ദേഹം ഇടുക്കി ബാർ അസോസിയേഷൻ പ്രസിഡൻ്റ് കൂടിയായിരുന്നു.

മണിയാശാന് മണി കെട്ടാൻ പ്രസിഡൻ്റെത്തി

നെടുങ്കണ്ടം: സി.പി.എമ്മിന് എം.എം മണി ആശാനെങ്കിൽ കോൺഗ്രസുകാർക്ക് പ്രസിഡൻ്റാണ് ഇ.എം ആഗസ്തി. ഇത്തവണ ഉടുമ്പൻചോലയിൽ ആശാനെ നേരിടുന്നത് കോൺഗ്രസുകാരുടെ പ്രിയപ്പെട്ട പ്രസിഡൻ്റാണ്. ജില്ലയിലെ ഏറ്റവും തലമുതിർന്ന നേതാവിനെ തന്നെ രംഗത്തിറക്കിയത് മണ്ഡലം തിരിച്ചു പിടിക്കുക എന്ന ലക്ഷ്യത്തോടെയാണെന്നാണ് കോൺഗ്രസ് പറയുന്നത്.മുൻപ് എം.എം മണിയെ ഇതേ മണ്ഡലത്തിൽ പരാജയപ്പെടുത്തിയ ഇ.എം ആഗസ്തി എ.ഐ.സി.സി അംഗവും കൂടിയാണ്. ഉടുമ്പൻചോല നിയോജക മണ്ഡലത്തെ രണ്ടു തവണ പ്രതിനിധീകരിച്ച ആഗസ്തി എത്തുന്നതോടെ മണ്ഡലത്തിലെ യു.ഡി.എഫ് അണികളും ആവേശത്തിലാണ്. ജില്ലയിലെ കോൺഗ്രസിൽ ഇത്തവണ കാര്യമായ ഗ്രൂപ്പു പോരുകളില്ല എന്നതും ശ്രദ്ദേയമാണ്. മുൻപ് രണ്ടു തവണ മത്സരിച്ചപ്പോഴും ആഗസ്തി നേടിയ വോട്ടുകൾ എം.എം മണി നേടിയതിനെക്കാൾ പതിനായിരത്തിലധികമാണ്. എ.ഐ.സി.സി സർവേയിലും മണ്ഡലത്തിൽ ആഗസ്തി മത്സരിച്ചാൽ വിജയസാധ്യത ഉണ്ടെന്ന് കണ്ടതോടെയാണ് മികച്ച സഹകാരിയും വാഗ്മിയുമായ ആഗസ്തിക്ക് നറുക്കു വീണത്. മൂന്നാം വിജയം ലക്ഷ്യം വെച്ചെത്തുന്ന ആഗസ്തിക്ക് തടയിടാൻ മണിയാശാന് സാധിക്കുമോ എന്നത് കാത്തിരുന്ന് കാണേണ്ട കാര്യമാണ്. ജില്ലയിലെ ഇരു പാർട്ടികളുടെയും അമരക്കാരായ ആശാനും പ്രസിഡൻ്റും തമ്മിലുള്ള പോരാട്ടം ഉടുമ്പൻചോലയെ ദേശീയ ശ്രദ്ധയിലെത്തിക്കുമെന്ന കാര്യം ഉറപ്പാണ്.